إلى كل من يعاني في الحياة
--------------------------------------------------------------------------------
أهدي هاذي القصيدة إلى كل من يعاني في الحياة
يا يمه جيت ابسأل ليه انا حظي مجافيني
اشوف الناس ملتمه وانا ما بين حسراتي
اشوف أفراح من حولي اسلم ما تحييني
اناديها وانا خجلان الزم في تحياتي
احاكيها يافرحه وين؟ حلفت انك تزوريني
اشد بحكي ثم ارخي اداعبها بهمساتي
ولا به فايده يمه برغبتها تمشيني
تواعد ثم تخلفني او انها تنسى اوقاتي؟
انا اذكْردعوتك لله ... طلبك انه يخليني
طلبك انه بيرزقني و يوفقني في بداياتي
تعلمت الدعاء منك وصارت عادةٍ فيني
اذا نامت عيون الخلق اوجه لربي دعواتي
رجيت بصوت كله خوف متأمل بيعطيني
لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفيني
صبرت بحروة امالي وحروة كل هقواتي
وجت للخلق ذا كله ولكن ازرت تجيني
وقلت اكيد هي خيره حمدت الله لحالاتي
كتمت الاه لا تطلع ولا ودي تشوفيني
ما ودي يتعبك نوحي ولا تشقيك شهقاتي
تجرعت الالم يمه شربته من صغري بأول سنيني
وجيتك ما بغيت انك تحسي مر لوعاتي
اضّحك هم دمعاتي واطمن خوف يحويني
واجر بصوتي العالي لاجل عينيك ضحكاتي
واذا صديت عن وجهك اسلم امري لعيني
تجيني مثل جلادٍ يروق ان شاف دمعاتي
اجملها بذكر الله واقول الله بيجزيني
اهدّي نفسي اطلبها تجملها ببسماتي
ولكن لو نجي للجد ترى كذبي مأذيني
ما عاد استحمل العيشه بتزيفي لفرحاتي
انا هلكان يا يمه انا تعبان ضميني
انا كل ليله اتوفى وارد احيا لصرعاتي
ذبحني البرد يايمه بغيتك لو تدفيني
طلبتك انزعي بردٍ سكن واستوطن بذاتي
ضلوعي تزاحمت يمه بصدرٍ ما يكفيني
من الضيقه من همومي من الامي واهاتي
يلاعب فكري جنون و تلاعبني شياطيني
توريني ضعف حالي ... تذّكرني بمعاناتي
تشككني بحبك لي واقول انك تحبيني
تعاند حبك بقلبي تكذب لي حكاياتي
ترى ما هزني خوفي وحبك لي بيحميني
ترى ما عمري اشكك والومك في نهاياتي
ارد ادعي انا ربي من العله يشافيني
وكل خوفي على قلبك اذا مروك برفاتي
انا خايف من احلامٍ نهايتها بتشقيني
ومن قسوة مشاويري ومن اخر مسافاتي
وخايف والله من قبري ومن تربه تغطيني
وسيره تنقطع بعدي ما يبقى غير كلماتي
ابيكي ترضي بالقسمه ورضوانك بيرضيني
تراني لاجلك اتمنى يحقق ربي رغباتي
يا يمه لا اشوف الهم بوجهك لا تبّكيني
ترى مكتوبه قبل اولد متى ولوين خطواتي
ملطوووووووووووش متلطش :س9تن:
