السلام عليكم...
هذي مجموعه من المواقف اللي تحصل عن طريق إرسال رساله جوال لشخص آخر بالخطأ جمعتها ونقلتها لكم وأتمنى تعجبكم ....
( 1 )
بنات كانوا شله وحده في الجامعه وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليها للبنات بصراحه انا استثقل دمها واذا ناديتيني مره ثانيه لاتنادينها واوعدك بجي ..اوكي) وارسلت الرساله لنجلاء !! .....
(2)
مره وحده كانت بترسل مسج لرفيقتها بتقولها تحسب لها اضطراري بالدوام لان مالها خلق اداوم المهم هي حافظة رقم رفيقتها بس كتبته غلط وشوي يدق عليها الرقم واستغربت ان طلع رقمها بدون اسمها وردت على التلفون طلع لها واحد قال( عن الخبال قومي لبسي وداومي )طبعا هي انصدمت وسكرت الخط على طول من الخوف داومت
(3)
وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها " ترى اهلي سألوا عنك دبرت لك عذر قلت لهم ان عمك عنده عزيمه "... وارسلت الرساله لابوها ...
(4)
وحده كانت والده في المستشفى ووحده من صديقاتها الله يصلحها جالسه من العصر عندها يوم جت الساعه 11 ملت مره منها وصديقتها ماعندها نية طلعه جالسه تسولف مع امها وخواتها و دق عليها زوجها قال ابمركم بعد شوي وهاذي ماعندها نيه تروح وراحت كتبت رساله لوحده من خواتها تقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتها : .....(
( 5 )
وهذي تقول أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مو لازم ترد علي ..وبعد ماصليت المغرب أتجهز وأجهز قهوتي واجلس أنتظر زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟
أنا : أي قهوه ؟
هو : تستهبلين يا أم المفاجات الحلوه ؟
وبعدين استوعبت اني أرسلتها له بالغلط وسكت وما قلت شي
(6)
والثانيه تقول : قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة
(7)
وهذي كانت عند اهلها وقالوا لها خلي زوجك يجي يتغدى عندنا .. راحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجها رسالة مضمونها ( بأي مناسبة ؟) << يموووون
( 8 )
مره وحده تخاصمت مع زوجها وكتبت رساله لاخوها تسب زوجها وتقول له إني بتثقل عليه ولاراح اعطيه وجه ..
تخيلوا ...... الرساله راحت لزوجها وزعل وارسلها تهديد
(9)
مديرة مدرسه مسافره برى.....
المهم جا وقت عودة المدرسات وهي كانت حاطه جوالها عند أهلها ....... فارسلت على جوالها رساله تقول لاختها ( يا فلانه ارسلي للمعلمات رسايل وقولي لهم يداومون احسن لهم ....مو اذا غاب القط العب يا فار) قامت اختها من السنع ارسلت نفس الرساله لجميع المعلماااات ....يعني نفس النص ما غيرت فيه شئ وتعالوا شوفوا الضحك والفشيله
(10)
وحده اتصلت على زميلتها ماردت عليها بعد شوي جاها مسج منها كاتبه فيه
((يافلانه ترا فلانة (اللي هي اتصلت قبل شوي) ازعجتني بالاتصالات ومارديت عليها))
(11)
وحده تقول :
مره فقدنا أخوي ماجاء عندنا في احد المناسبات لأنه كان مشغول المهم تقول أرسلت له رساله إننا فاقدينه ومشتاقين له وارسلتها على رقمه بدون ماأدخل على الدليل لأني حافظه الرقم والمشكله ماكتبت اسم أخوي كتبت في الرساله ( أبو فلان ) وأرسلتها لرقم خطأ تقول دق الرقم وكنت خايفه يكون رجل والحمدلله إنها كانت حرمه لكن المشكله إن كنية زوجها مثل كنية أخوي اللي كتبتها في الرسالة ( أبو فلان ) وتعطيني كم تهزيئه وتسوي تحقيق معي لدرجة قمت أحلف لها إني ما أعرفه وبعد أخذ وعطاء اقتنعت ,,
( 12 )
وهذي تقول :كنا عند اخوي وكان شديد علينا في الخروج لازم نستأذن منه .. لانه مو كل المشاويير يوافق عليها
وكنا مدعويين عند ناس ما يبينا نروح لهم .. قامت أمي تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه قبل شوي ...
قامت تضحك وقالت : اصلا امزح ماني رايحة لاحد <<<< ترقع الموقف
