ياليت أن الزمن يرجع ورا ولا الليالي تدور
ويرجع وقتنـا الأول وننعـم فـي بساطتنـا
زمان أول أحس انه زمان فيه صدق شعور
نحـب ونخلـص النيـة وتجمعنـا محبتنـا
زمن مافيه لاغيبه ولا حتـى نفـاق و زور
ياليته بس لو يرجـع ونسترجـع طفولتنـا
صغار قلوبنا بيضاء نعيش بعالم محصـوور
ولا نعرف أبد أغراب ما غير عيال حارتنـا
صحيح صغار بالتفكير لكن ماعلينا قصـور
نخطط نكسـر اللعبـه وتسعدنـا شقاوتنـا
نروح المدرسه بدري ونضحك داخل الطابور
نحاول نزعج العالم فـي روحتنـا وجيتنـا
وعشان نأخر الحصه نخبي علبه الطبشـور
نشاغب بس فـي الآخـر تميزنـا براءتنـا
نحب الضحك والهيصه نحب ننط فوق السور
نفرفش ليه مانفرفش مادام الضحك عادتنـا
ولكن دارت الأيام وبان الخافـي المستـوور
وصار الهم متعلـي علـى قمـة سعادتنـا
كبرنا وصارت الدنيا تصف أحزاننا بالـدور
وتهدينا الألم والهم غصب عن عين رغبتنا
تعبنا من بلاوينا أحد غـي وأحـد مهمـوم
وكل(ن) غـارق بهمـه وبالآخـر تشتتنـا
وأنا مـا أقـول الا ياليـت الزمـان يـدور
ويرجع للورا فترة ونعـدل وضـع عيشتنـا
للشاعر / فيصل اليــــامي
