كلنا يمر علينا يوم نمسك جوالاتنا ونختار قائمة الأسماء
ونمر على الأسم الأول ثم الثاني ويليها الثالث..
الى ان نصل للاخير
الرقم هذا من شهر ماكلمته وهذا من شهرين
وهذا خبري فيه من سنه ...
وهذا بجد مادري متى سمعت صوته.. يمكن من أيام الدراسه
لا لا قبل يمكن في أيام الاجازة
وبرضو تكتشف ان اخر مكالمه قبلها بفتره طويله
ولما تحاوول تحسب كم.. تلقاها سنييييييييين...
ولما تنوي تكلم صاحب رقم معين
تظهر لك مليون شغله وتأجل المكالمه لوقت غير معلوم..
وبلحظه غفله تجيك رساله..
((أنتقل الى ذمة الله صاحب هذا الرقم))
وقتها تقوم مفجوع.. لا مستحيل.. ماصدق..
تكفون قولو أن هالرساله كذب..
مجرد اشاعه ...
تركض تدق.. فلان..؟؟
لا أخووه ..
فلان عطاك عمره..
تسكر مصدووم
وربي كنت بدق عليه..قسم طرى في بالي ونويت أكلمه
واساله عن اخباره لما تصفحت القائمه..
بس اشغلتني الدنيا عنه..
تتحسف وتتحسر وتعض أصابعك ندم لأنه ماسمعت صوته من فتره طوويله
ويبدأ معك مسلسل الذكريات..
وآآآآآآآآآآه يالذكريات...
مؤلمه.. موجعه... قاتله باختصار..
وللأسف أحبتي...
مانحس بالفاجعه وببشاعة الأمر الا بعد فوات الاوان..
في لحظه مافي مجال تجري فيها أتصالك ولاحتى تقابل الشخص اللي تبيه...
ختاما: أسأل الله العظيم رب العرش العظيم أن يغفر لنآ وأن لايحرمنآ لذة النظر الى وجهه الكريم
وأن يغسلنآ بالماء والثلج والبرد.. ويجعلنآ من اصحاب الجنان في الفردوس
الأعلى مع النبيين والشهداء...
