مقادير الطبقه الأولى:
1كاس حليب بودره نحمسه عالنار حتى يصير لونه ذهبي.
3/4 كاس سكر.
5 بيضات.
1/2 كاس زيت.
1 ملعقة طعام بيكنج بودر.
1/4 ملعقة طعام نسكافيه.
تخلط جميع هذي المقادير بخلاط الكاس جيداً حتى تمتزج‘وبعدين نحطها بصينيه بايركس مستطيله
وندخلها الفرن على درجة حراره متوسطه مثل الكيك
لمدة 1/3ساعه او أنك تختبرينها بعود أسنان او سكين وتتأكدين أنها أستوت بعد كذا نجي للطبقه الثانيه:
8 حبات جبن كيري.
بيالة سكر.
بيالة حليب سائل طازج مثل نادك ندى اللي موجود.
تخلط في الخلاط زين ثم نضعها فوق الطبقه الأولى بعد ماتستوي ونرجعها الفرن مره ثانيه بس هالمره
نشغله من فوق دقايق بسيطه بس حتى يجمد الخليط ويتماسك.
بعدها الطبقه الاخيره:
3/4 كاس ماء
3 ملاعق طعام حليب بودره.
2 ملعقة طعام كاكاو بودره(هنتز).
كيس واحد كريم كراميل.
توضع عالنار وتحرك جيداً حتى تغلي وبمجرد أن تغلي خلاص شيليها عن النار.
تسكب فوق الطبقة الثانيه برفق ثم تزين بحبيبات الهيرشي والشوكلاته السائله وتدخل الثلاجه
