ياليت ان الزمان يرجع وراء والليالي تدور .. ويرجع وقتنا الاول وننعم في بساطتنا
زمان اول احس انه زمان صادق فيه شعور .. نحب ونخلص النيه وتجمعنا محبتنا
زمان مافيه لاغيبه ولا حتى خيانه ونفاق وزور ..ياليته بس يرجع ونسترجع طفولتنا
صغار وقلوبنا بيضاء ونعيش بعالم محضورر.. ولا نعرف ابد اغراب ماغير عيال حارتنا
صحيح صغار بالتفكير ولكن ماعلينا قصور..نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور..نحاول نزعج العالم بروحتنا وجيتنا
وعشان نأخر الحصه نخبي علبة الطبشور..نميز بس بالاخر تميزنا براءتنا
نحب الضحك والهيصه نحب انط فوق السور.. نفرفش ليه مانفرفش مادام الضحك عادتنا
ولكن دارت الايام وبان الخافي المستور.. وصار الهم متعلي على قمة سعادتنا
كبرنا وصارت الدنيا تصف احزاننا بالدور..وتهدينا الالم والهم غصب عن عين رغبتنا
تعبنا من بلاوينا احد ضايق واحدمقهور.. وكلن غارق بهمه وبالاخر تشتتنا
وانا ماقول غير الا ياليت الزمن يدور..ويرجع للورى فتره نعدل وضع عيشتنا
ان شاء الله تعجبكم ....
